Eipa Bible

Allah arye Minop Talak Nyapdeipsuk Yupu

Alkitab EIPA yupu arye, yinibuka bikna ati ara, anyaplikasi bisik dipdebuka yinipnamlulume. Anyaplikasih bisik ara, ikin kume. Internet bisik aubuk ati, dobuka kanam aryuk yinina telebe. EIPA yupu nyan nang ara, distrik Eipomek ap, distrik Pamek mutuku ap unyak buk, yupu mitikto yuk yupu ton nyanyak nang unyake. Eipomek tam ara, kampung Wakidam, ap, Iryamo ap, Tanime ap, unyake. Pamek tam ara, Yabasorom nang ap, Bakasa nang ap, Bulakna nang ap, unyakce, sik nyanyak yupu ara, mitikanun yuke. Anyaplikasi bisik ara, Alkitab EIPA yupu Perjanjian Lama ap, Perjanjian Baru ap, nirya aubuk. Anyaplikasi nirya ara, Internet bisik nirya aubuk ati, dobuka hp bisik do, leptop bisik do, anyaplikasi kunum dobuka deipmunye ura, internet bisik arye yinina kum buk, anyaplikasi ur talya yinina bapye, teleb uka.

Anyaplikasi bisik kukuna ara, aning atia.

• EIPA Allah yupu kekena ati, aning bisik arye download ur talya kina telebe. Yo bok kunumna ara, kume!

• Alkitab yokuka yinipmunye buk, anggunce teleb tenepmunye ayat ara, warna ning arye tanda kina telebe. Alkitab yupu tonok ara, ‘Dan ayat noutamak ulul do?’ tenen, ayupu yuk-yuk wina ap, dina ap ara, telebe.

• Atumi ati ara, ‘Anyayat yinipnamane,’ tenepmunye ura, winipnamlulume. Notifikasi nyalamak ning ara, kam bulin ning bapye, olongon ning bapye, aulule buk, kanam ulule. Notifikasi kintinin talak ara, 'Stelan Aplikasi', ap winipnamlulume. Tonda, Audio bisik arye, ‘Anyayat ara, atalakuk kekepnamane,’ tenepmunye ura, anyayat tanda kibuka, asum-asum nirya kekenamlulume. Tonda anggunce, gambar el si 'Wallpaper', nyalamak ning arye, ayat Alkitab kintinipmunce, aning deice tombol arye, Aplikasi bisik kam bulinamlulume.

• Tonda Angggunce, gambar el si, 'Wallpaper,' nyalamak ning ara, kintinilinamlulume. Ara, anggunce photo do, gambar do, ‘Telebto ning bita dinamak,’ tenepmunye ning dobuka, teks ayat Alkitab, anggunce teleb tenelamnunye ayat ap, labuka kintinilinamlulume. Aning photo ap, ayat Alkitab kintinipmamunye ning ap, lapdongobuka, anggun kwit capu do, tonda yuk nang ati, media online bisik bapye, dongona teleb uka.

• Alkitab anirya, ‘Apasal didenuyape,’ tenepmunyopura, kintinipmunce, olongonamlulume. Tonda, kamulongonamlulume.

• Aplikasi bisik arye, anggun kwit capu ati, ‘Hp bisik arye aripnune,’ tenepmunyeura, Alkitab pasal ap, ayat ap kintinipmunce, arinamlulume. Anggun kwit capu ati arinamunye bisik ara, aplicația Whatspp bisik ap, Facebook bisik ap, E-mail bisik ap, Mesenger bisik ap, SMS bisik ap, tonda yuk aplicasi bisik arye, arilana teleb uka.

• Alkitab ayat-ayat noutamak ara, huruf-huruf weik kilina do, mitik kilina do, anirya kanam asa arye, anyaplikasi deice arye, winina telebe. ‘Se, ikine, nun walwal ati, yata wiripnuyab do?’ tenena kume.

• Yuk Huruf -huruf urasin ton, anyaplikasi bisik dongona meme. Huruf el urasin yuk ning buk, dongopmunye ura, ‘Anyaplikasih kum kuklyak’ tenen ati, nyababe.

• Anyaplikasi bisik ara, Inggris yupu ap, EIPA yupu ap, abitinye yupu uk anyaplikasi noutamak aulula ati, neika kekena telebe.

Citiți și ascultați Cuvântul lui Dumnezeu în EIPA folosind această aplicație gratuită a Bibliei! Aplicația este ușor de descărcat și utilizat. EIPA este vorbită în [regiunile în care este vorbită]. Dialectele distincte ale EIPA includ [dialectele oricărei limbi]. Această aplicație conține Biblia completă în EIPA. Odată instalată, puteți utiliza această aplicație pe dispozitivele dvs. fără conexiune la internet.

Publicat: 2014, Wycliffe Bible Translators, Inc.

Text: © 2023, Wycliffe Bible Translators, Inc., Orlando, FL 35862-8200 SUA (www.Wycliffe.org)

Această traducere vă este pusă la dispoziție în conformitate cu termenii

Licență Creative Commons (Atribuire-Necomercial-Fără lucrări derivate)

(https://creativecommons.org/licenses/by-nc-nd/4.0)